mywap.az
Xoş gəlmişsiniz | Daxil ol | Qeydiyyat
Site News

Yeni ərazilər işğaldan azad edildi!

Author: AGENT (21.10.2020 / 16:25)
Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Bələnd, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün,
Turabad, İçəri Müşlan, Məlikli, Cahangirbəyli, Baharlı kəndləri işğaldan azad edildi!

https://t.me/mayaztagram

Bu gün Azərbaycanın dövlət müstəqilliyini bərpa etməsindən 29 il ötür.

Author: AGENT (18.10.2020 / 06:37)
XX ərin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa edib.

1991-ci il oktyabrın 18-də Azərbaycan Ali Sovetinin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilib.

Həmin vaxt aktın lehinə Ali Sovetin 360 deputatından 258-i səs verib, yerdə qalanlar ya sessiyaya qatılmayıb, ya da onun əleyhinə səs veriblər. Konstitusiya Aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir. Konstitusiya Aktı 6 fəsil, 32 maddədən ibarətdir.

1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95 faizi səsvermədə iştirak edərək ölkənin müstəqilliyinə, suverenliyinə və istiqlaliyyətinə səs verib.

© t.me/mayaztagram

Füzuli azad olundu!!!

Author: AGENT (17.10.2020 / 08:25)
27 illik həsrət bitdi.

Düşmən yenidən yaşayış məntəqələrimizi artilleriya atəşinə tutur

Author: AGENT (01.10.2020 / 09:34)
Cəbrayıl rayonunun Cocuq Mərcanlı kəndi, Füzuli rayonunun Horadiz şəhəri, Goranboy, Tərtər və Ağdam rayonlarının cəbhəboyu kəndləri Ermənistan silahlı qüvvələrinin bölmələri tərəfindən artilleriya atəşinə tutulur.

Beynəlxalq Proqramçılar günü

Author: AGENT (13.09.2020 / 14:46)
Beynəlxalq Proqramçılar gününüz mübarek!

Azərbaycan Ordusu 102 yaşını qeyd edir

Author: AGENT (26.06.2020 / 12:29)
Bu gün Azərbaycan Silahlı Qüvvələrinin yaranma günüdür.

Azərbaycan Silahlı Qüvvələri Azərbaycan Xalq Cümhuriyyəti parlamentinin 26 iyun 1918-ci il tarixli qərarı ilə Gəncədə yaradılıb.

1920-ci ildə Azərbaycan Xalq Cümhuriyyəti süqut etdikdən sonra ordu buraxılıb və 1991-ci il oktyabrın 9-da Ali Sovetin qərarı ilə Silahlı Qüvvələr yenidən yaradılıb.

Hazırda Azərbaycan həm döyüş qabiliyyətinə, həm də maddi-texniki imkanlarına görə, Cənubi Qafqazda ən güclü dövlət hesab olunur.

Silahlı Qüvvələrin strukturuna Quru Qoşunları, Hərbi Hava Qüvvələri və Hava Hücumundan Müdafiə Qoşunları və Hərbi Dəniz Qüvvələri daxildir.

Heydər Əliyevin anadan doğum günü

Author: AGENT (10.05.2020 / 17:23)
Bu gün Ümummilli Lider Heydər Əliyevin anadan olmasından 97 il ötür... #047 #047life #azerbaycan #aztagram #baku #heydereliyev

Yeni servere keçdik

Author: AGENT (07.11.2019 / 15:32)
Salam, yeni servere keçid etdik bu səbəbdən saytda bəzi prablemlər ola bilər tezliklə bu prabremlər aradan qalxacaq. Nə sualınız olsa bu mövzuya yaza bilərsiz.

Yuklemeler bolumu

Author: AGENT (01.10.2019 / 19:25)
Her kese salam. Saytin yuklemeler bolumu tam yeniendi. qisa zamanda yeni php skripler ve diger faydali yuklemeler elave olunacaq.

Niyə məhz “.CO” ?

Author: AGENT (15.06.2019 / 10:29)
Qısa və yaddaqalan veb ünvanlarına olan ehtiyacları təmin etmək üçün təqdim edilən .CO, onlayn markanız üçün qlobal bir seçim təklif edən domen uzantısıdır və hazırda müxtəlif dil və mədəniyyətlərdə tanınır. Beynəlxalq fəaliyyətə isə 20 İyul 2010-cu ildə başlayıb.





Bu "company" nin qısaltmasıdır

Bir çox insana görə bu iki hərfin birləşməsi – CO“company” və ya “corporation” mənasını verir.



Ölkə kodu domen uzantılarında istifadə olunur

20-dən çox ölkə şirkət və ya kommersiya məzmunlu veb saytlarında .CO –dan istifadə edir (məs., .co.uk, .co.in, .co.il, .co.jp, və s.). Onlayn marketinq strategiyasına .CO domeni əlavə edərək, ölkənin xüsusi saytları beynəlxalq müştərilərinə xidmət göstərən yeni bir veb versiyaya sahib ola bilərlər.



Coğrafi məna ifadə edir

Bəzi versiyalarda isə .CO Kolumbiya və ya ABŞ-ın Kolorado ştatının qısaltması kimi göstərilir.





.CO və .COM arasındakı fərq nədən ibarətdir?
.COM 100 milyondan çox qeydiyyatı olan domen uzantısıdır. Əgər status-kvo ilə aranız yaxşıdırsa .COM tam sizə görədir. Digər tərəfdən isə.CO daha yeni,qısa, sosial və əlverişlidir. Mobil cihazlarda internet istifadəçilərinin sayının artması ilə qısa və yaddaqalan veb ünvanlarına tələbat yaranmışdır. Yenilikçi və qabaqcıl bir şey istəyirsinizsə, yolunuza .CO ilə davam edin.

.İnfo, .mobi, .org və .tv kimi domen adları xüsusi niş bazarlarında onlayn markanızın ehtiyaclarını təmin edir. .CO isə ümumi məna baxımından və niş spesifikliyinin olmaması ilə fərqlənir.

.CO bütün digər domen adlarında olduğu kimi qeydiyyatdan keçirilir. Siz onu bir və ya bir neçə il üçün xüsusi domen qeydiyyat mərkəzlərindən əldə edə bilərsiniz. Veb ünvanınızı yeniləyənə qədər bu, sizə aid olacaq.



Niyə .CO qiymətləri daha yüksəkdir?
.CO domen adlarının qeydiyyatı üçün illik qiymət etiketi adətən, .com və digər köklü domen uzantılarından daha yüksəkdir. Bunun səbəbi qeydiyyatdan keçən, lakin istifadə olunmayan domenlərin yayılmasının qarşısını almaqdır.

Onlayn markanız üçün etibarlı bir domenə sahib olmaq istəyən bir sahibkarsanız bu qiymətlər sizin üçün uyğun olacaq.



Axtarış motorları üçün .CO və .COM eynidirmi?
Bəli, Google .CO – nu xüsusi olaraq etiketləyib və bu, bərabər keyfiyyətli axtarış nəticələri mənasını verir.


.CO -ya necə keçə bilərəm?
Bu, olduqca sadədir və axtarış motorunuzun reytinqlərinə təsir göstərməyəcək. Sadəcə olaraq, müvafiq 301 yönləndirməsini tətbiq etdiyinizə əmin olun.



.CO Kolumbiya üçün ccTLD kateqoriyasına aid edilir ?
Tamamilə. ISO. 3166-a uyğun olaraq, Kolumbiya üçün ccTLDdir. Lakin Kolumbiyadakı istifadəçilər üçün bir veb sayt yaratmaq istəyirsinizsə, bunun əvəzinə.COM.CO domeni tövsiyə olunur. Bu, Kolumbiyada Google tərəfindən istifadə edilən və kolumbiyalı ən böyük veb saytların istifadəçilərini hədəf alan domen uzantısıdır. Dünyanın istənilən ölkəsindən istifadəçiləri hədəfləyən qlobal bir sayt yaratmaq istəyirsinizsə, seçiminiz .CO olmalıdır.

Resellerin biznesiniz üçün üstünlükləri nələrdir?

Author: AGENT (15.06.2019 / 10:29)
Əgər hostinq şirkətlərində satılan paketlərə diqqət yetirsəniz, burada reseller paketlərini də tapa bilərsiniz. Reseller paketləri ilə heç bir infrastruktur olmadan hostinq ticarəti etmək mümkündür. Bütün zəruri infrastruktur hostinq şirkəti tərəfindən təmin olunarkən, siz özünüz isə satışla məşğul olaraq yaxşı gəlir əldə edə bilərsiniz.

Reseller paketi təklif edən bir hostinq saytına daxil olsanız, bu paketlərin ümumi paketlərə nisbətən daha bahalı olduğunu görəcəksiniz. Lakin qiymətlə birlikdə bu paketlərin üstünlükləri də daha çoxdur. Bir reseller paketi içərisində bir çox saytın yerləşdirilməsi mümkündür.

Reseller hostinq bir veb hostinq provayderi kimi öz müştərilərinizi hostinq xidmətlərilə təmin etməyə imkan yaradır. Daha çox öz veb hostinq xidmətini təklif etmək istəyən sahibkarlar, veb-developerlər və markalarında əlavə xidmətlər təqdim etmək istəyən dizaynerlər tərəfindən istifadə olunur.





Reseller fəaliyyətiniz aşağıdakı prosesləri əhatə edəcəkdir:


Hostinq şirkətlərinin araşdırılması

Biznes məqsədlərinizə uyğun olan paketin seçilməsi, satın alınması

Yeni müştərilər üçün hədəf bazarınızı tanımaq və anlamaq

Öz markanızla hostinq paketlərinin yaradılması

Qiymət siyasətinin müəyyənləşdirilməsi

Hostinq paketlərini müştərilərə satmaq

Düzgün domen adı seçimi necə olmalıdır?

Author: AGENT (15.06.2019 / 10:28)
Veb-saytınızı quracağınız zaman ilk öncə iki şeyə ehtiyacınız olacaqdır: Saytınızı “host” edəcəyiniz bir yer və domen adı. Bu iki şey sizin virtual mülkünüz və adresinizdir. İnsanlar sizi internetdə tapmaq üçün bu ünvana gələcəklər. Bunların hər ikisini əldə etmək olduqca asandır, lakin seçmək isə tamamilə ayrı bir mövzudur.

İş domen adı seçməyə gələndə qarşınıza sonsuz sayda alternativlər çıxacaq. Aralarından ən yaxşısını seçmək üçün isə diqqət etməli olduğunuz nüansları aşağıdakı kimi sıralaya bilərsiniz.





Açar sözlərə əsaslanan domen adlarını seçməliyikmi?
Saytınızın axtarış motoru optimallaşdırması ilə bağlı məlumat axtararkən domen adı haqqında adətən iki müxtəlif fikirlə qarşılaşacaqsınız. Bəziləri açar sözlərə əsaslanan URL-lərin önəmli olduğunu söylərkən, digərləri bunun vacib olmadığını iddia edirlər. Bəs hansı fikir daha doğrudur?

Hazırda 2010-cu ildə yaşasaydıq və Google Penguin deyə bir şey olmasaydı, açar sözlərə əsaslanan bir domen adı seçmək məcburiyyətində qala bilərdiniz. Lakin artıq Google SEO-nu dəyişdiyi və alqoritm yenilənmələrini tənzimlədiyi üçün bu zəruri hal almaqdan çıxıb.

Ancaq bu, açar sözlərə əsaslanan domen adlarından kənar qaçmanız mənasını vermir. Domen adınızdakı açar sözlər hələ də yaxşı bir şey ola bilər, çünki potensial izləyicilərinizdə saytınızın məzmunu haqqında fikir formalaşdırır. Məsələn, saytınız tütünsüz bir yaşam tərziylə bağlı olacaqsa, TütünsüzHəyat.com ziyarətçilərinizə saytınız haqqında bir çox şeyi söylədiyi üçün yaxşı seçim ola bilər. Amma bu adı seçməyiniz SEO baxımından qazanclı olacağınız demək deyil.



Markalaşdırıla bilən bir ad tapmağa çalışın
Google markalara hər şeydən daha çox önəm verir.

Marka olaraq önə çıxan bir ada sahib olmağınız uzun müddət işinizə yaraya bilər. Əlbəttə ki, axtarış motoru nəticələri səhifəsində üst sıralarda yer almaq üçün yaxşı bir URL-dən daha çoxuna ehtiyacınız olacaq, amma diqqət çəkici bir domen adına sahib olmaq da sizin və markanızın tanınmasını asanlaşdıracaq.

İnternetdə qısa və yaddaqalan adlar seçərək marka olmağı bacaran bir çox sayt vardır.



Tiredən istifadə etməyin
Özəl və yaddaqalıcı olmaq ümidilə seçmək istədiyiniz ad başqası tərəfindən alındığı üçün içində tire işarəsi olan bir domen adı almağı düşünə bilərsiniz. Lakin bunun bir çox dezavantajları vardır. Məsələn, birisi artıq NümunəDomen.com ünvanını alıbsa, sizin Nümunə-Domen.com adını almağınızın heç bir mənası olmayacaq. Adınızı xatırlayıb axtarış çubuğunda yazan şəxslər çox zaman tire qoymağı unudacaqlar. Bunun nəticəsində sizinlə heç bir əlaqəsi olmayan digər sayta daxil olacaqlar.

Vebsayt baxımı - 7 addımda

Author: AGENT (15.06.2019 / 10:28)
Bir veb sayt yaratmış olmanız hələ işi tamamlamağınız demək deyil. Veb saytlar eyni zamanda müəyyən periodlarla qulluq da tələb edirlər. Bu mövzuda etməli olduğunuz bəzi məsələlər var. Bunlar illik, 3 aylıq, aylıq və ya həftəlik olaraq bölünə bilərlər.



İllik veb sayt baxımı


İstifadəçi testləri edin

İstifadəçiləriniz üçün ən yaxşısını etməyə çalışdınız və onlara gözəl bir təcrübə yaşatdınız. Lakin istifadəçilərinizin istəkləri və vebi istifadə etmə şəkilləri daimi olaraq dəyişir. 10 il öncə qurulmuş və zamanında olduqca faydalı olan veb saytların hazırda istifadəçilərə necə bir təcrübə yaşadacağını düşünün. Bu səbəbdən veb saytınızın hələ də yararlı olduğunu və bütün cihazlarda problemsiz olaraq işlədiyini anlamaq üçün ildə bir dəfə istifadəçi testləri edin.

Testi edərkən markanız və ya işinizlə bağlı şəxsləri seçdiyinizdən və bütün brauzerlər ilə cihazları testə daxil etdiyinizdən əmin olun.



Üç aylıq veb sayt baxımı


Satınalma əməliyyatlarınızı test edin

Bir çox veb saytın ən önəmli funksiyalarından biri satınalma əməliyyatlarıdır. Əgər bu əməliyyatlar gerçəkləşməzsə, problemi aşkar edib aradan qaldırana qədər böyük miqdarda zərərə uğraya bilərsiniz. Ona görə də ən azı 3 aydan bir prosesin necə işlədiyini görmək üçün bəzi testlər edin. Bunu özünüz edə biləcəyiniz kimi işçilərinizə də etdirə bilərsiniz.



Bütün veb sayt formlarınızı test edin

Veb saytınızda ziyarətçilərin doldurması üçün hər hansı bir əlaqə form varsa çalışdığından əmin olun. Satınalma testlərini edərkən bu formları da aradan çıxara bilərsiniz. Digər maddələrdə olduğu kimi yenə bütün brauzerləri və cihazları test etməyi unutmayın.

Əgər formlarınızdan hər hansı biri düzgün çalışmırsa potensial müştərilərinizi qaçırmış ola bilərsiniz. Bu səbəbdən problem yaranmadan onu müəyyən etməyə çalışın.



“Broken” linkləri düzəldin

Problemli linklər sizin və markanızın imicinə mənfi təsir göstərir və ziyarətçilərinizi sizdən uzaqlaşdırır.

Nə qədər uğurlu olursunuz olun bir gün mütləq veb saytınızda “broken” linklər olacaqdır; bəzən yönləndirmə prosesi, bəzən ad dəyişikliyi. Lakin vaxtında edəcəyiniz baxımlarla bu linklərin veb saytınızda uzun müddət qalmadığından əmin ola bilərsiniz. Bir neçə aydan bir saytınızdakı “broken” linkləri yoxlayın. Varsa aradan qaldırın və ya yenisilə əvəz edin.

Üstəlik bu proses olduqca asandır. Google Search Console kimi bu prosesləri avtomatik icra edən pulsuz seçimlər mövcuddur.



Aylıq veb sayt baxımları


Təhlükəsizlik güncəlləmələrinə diqqət edin

Veb saytı kiber hücumlardan qorumaq hər kəs üçün çox vacib bir prioritetdir. Xüsusilə e-ticarət saytınız varsa, müştərilərinizin məlumatları üçün daha çox məsuliyyət daşıyacaqsınız. Buna görə veb saytınızın bütün qatlarını, əlavələrini yoxlamalı və güncəl olduqlarına əmin olmalısınız.



Daimi olaraq saytınızı yedəkləyin

Hər vəziyyətdə saytınıza yetərincə hakim olduğunuzu və səhv etməyəcəyinizi düşünə bilərsiniz. Lakin haqlı olsanız belə, kiber hücumlar saytınıza qalıcı zərərlər verə bilər. Bu kimi vəziyyətlərdə əgər bir yedəkləməniz varsa, hər şeyi geri qaytarmaq daha asan olcaqdır.





Həftəlik veb sayt baxımı


Metriklərinizi incələyin

Google Analytics istifadəçilərin saytınızı necə tapdıqları və istifadə etdikləri haqqında önəmli məlumatları sizə ötürə bilir. Bu məlumatları daim incələyin və saytınızın istəklərinizi yerinə yetirdiyindən əmin olun. Həftədə bir dəfə Analytics-ə daxil olaraq, nələrin yolunda olduğunu və nələri yaxşılaşdırmalı olduğunuzu izləyin.

Domen yönləndirmələri hansı hallarda edilməlidir?

Author: AGENT (15.06.2019 / 10:27)
Domen yönləndirmələri müxtəlif məqsədlər üçün edilir. Vebsaytınızı yeni bir domenə keçirə və ya səhifələrinizin bəzilərinin URL strukturunu dəyişdirmiş ola bilərsiniz. Bu və bu kimi vəziyyətlərdə domen yönləndirməsi etməyiniz lazım olacaq.



Domen yönləndirməsi nədir?
Domen yönləndirilməsi edildikdə, veb brauzer müvafiq domeni digərinə yönəldir. Məsələn, brauzerinizin ünvan çubuğuna bir domen adı olan relentless.com yazsanız, Amazon.com ünvanına yönləndiriləcəksiniz. Bu bir domen yönləndirilməsidir.

Yönləndirmələr məzmunun bir URL-dən digərinə köçürüldüyünü serverlərə bildirmək üçün istifadə olunur. Əgər mövcud bir 404 səhifəniz varsa, bu kod üçün də yönləndirmələr edə bilərsiniz. Beləliklə, mövcud olamayan səhifənizə giriş etməyə çalışanlardan itirdiyiniz ziyarətçi axınını başqa bir səhifədən geri qazana bilərsiniz.

Xüsusilə, e-ticarət vebsaytları müəyyən bir məhsul artıq yoxdursa, yönləndirmələrdən istifadə edir. Nəticədə, ziyarətçilər 404 səhifəsilə qarşılaşmaq əvəzinə, axtardıqları məhsula oxşar digərlərini görə bilərlər.



Domen yönləndirməyin növləri


301 yönləndirməsi
301 yönləndirməsi ən çox istifadə edilən yönləndirmə növüdür. Qalıcı bir yönləndirmə növü olan 301 SEO üçün yönləndirmənin ən uyğun növüdür.



302 yönləndirməsi
301 və 302 yönləndirmələri bir çoxlarına görə bənzər şəkildə iş görürlər. Bir 302 yönləndirməsi axtarış motorları və brauzerlərin səhifənin keçici müddətə köçürüldüyünü bilmələrini təmin edir. Bu səbəbdən keçici yönləndirmələr və daima dəyişikliklər edən şəxslərə 302-dən istifadə etmələri tövsiyə olunur.



Meta Refresh yönləndirməsi
Meta Refresh yönləndirmə bir server səviyyəsində deyil, səhifə səviyyəsində edilən yönləndirmə növüdür. Adətən daha yavaş işlədiyinə görə SEO üçün tövsiyə olunmur. Bu tip yönləndirmələr 5 saniyəlik geri sayımlarla işləyir və “5 saniyə ərzində yönləndirilməsəniz buraya klikləyin” mətnini təqdim edir.



Hansı növ yönləndirməni istifadə etməliyəm?
Domen yönləndirilmələrindəki əsas səbəb mövcud bir saytın SEO dəyərini qorumaq və yeni bir domenə ötürməkdir. Bu səbəbdən ən çox istifadə olunan 301 yönləndirmə növüdür. Belə bir yönləndirmə ilə həm brauzer, həm də serverlər müvafiq veb saytın qalıcı olaraq köçürüldüyünü, eyni zamanda original kontentin də yeni URL-yə keçdiyini biləcək. Əgər tamamilə bir SEO üçün yönləndirmə icra edirsinizsə bunun bir az zaman alacağını unutmayın.

Digər yönləndirmə növləri 301-in etdiyi qədər çox iş görmürlər, çünki axtarış motorlarında effektiv olmurlar və sıralama dəyərləri 301-dəki kimi uğurlu deyil. Yalnız bir veb master bilərəkdən yeni səhifəyə bağlantı göndərmək istəmədiyi zaman digər alternativlər daha əlverişli sayıla bilər.

Domen seçimindən sonra atmalı olduğunuz 5 addım

Author: AGENT (15.06.2019 / 10:27)
Virtual aləmə giriş üçün ilk addım domen adı almaqdır. Sizin üçün ən uyğun domen adını aldıqdan sonra prosesi tamamlamaq üçün atmalı olduğunuz daha bir neçə addım var. Bunlardan ən önəmlilərini təqdim edirik:



Domen və hostinq sinxronizasiyası
Bir vebsayt yaratmaq məqsədiniz varsa, domenə olduğu kimi hostinq xidmətinə də ehtiyacınız olacaq.

Bir çox provayder bu 2 xidməti bir yerdən əldə etməyə imkan verir. Sayt.az kimi etibarlı provayderlər vasitəsilə bu xidmətlərə asanlıqla sahib ola bilərsiniz.

Hər iki xidməti əldə etdikdən sonra isə domen adınızı hostinqlə sinxronizasiya etməlisiniz. Texniki cəhətdən gözü qorxutsa da, bu proses olduqca sadədir.

Bu əməliyyat etmək üçün hostinq xidmət təminatçınızdan əldə etdiyiniz “NS”inizi (nameserver) mövcud “NS”lərinizdə yerləşən qutuya yapışdırmalısınız.



Domen adınıza özəl e-poçt xidməti
Virtual mövcudluğunuzu daha mötəbər etmək üçün domeniniz üçün xüsusi bir e-poçt xidməti əldə etməlisiniz. Beləliklə, eyni zamanda daha professional görünəcəksiniz. Alacağınız xidmət və toplam e-poçt ünvanı sayı müştəri potensialınıza görə dəyişəcəkdir. Bundan əlavə, Sayt.azdan əldə edəcəyiniz hostinq paketləri vasitəsilə əlavə ödəniş etmədən limitsiz sayda e-poçta sahib ola bilərsiniz.

Hostinq servis provayderinizin təklif edəcəyi xidmətə görə cPanel kimi bir kontrol paneliniz olur, etməli olduğunuz tək şey bu panelə məlumatlarınızı daxil etmək və e-poçt ünvanınızı aktivləşdirməkdir.



Güvənli bir şəkildə əlaqələndirilmiş sosial media hesabları
Markanızla uyğunlaşdırılmış sosial media profilləri markanızın onlayn mövcudluğunu daha da gücləndirəcək. İlk mərhələdə hələ profillərizi istifadə etməyi düşünməsəniz belə, markanızı təmsil edə biləcək istifadəçi adlarını ilk fürsətdə almağınız faydalı olacaq. Əgər almağı planlaşdırdığınız ad artıq istifadə edilirsə kiçik dəyişikliklər edərək yenisini tapmağa çalışın.

Hər platforma üçün istifadəçi adlarınızın eyni olduğundan əmin olun. Bu, izləyicilərinizin sizi fərqli platformalarda tapmağını asanlaşdıracaq.



Vebsaytınızın hədəflərini müəyyənləşdirin
Vebsaytınızı dizayn etməmişdən əvvəl tam olaraq nə etmək istədiyinizi qərarlaşdırıb bir plan qurmağınız önəmlidir. Nəticədə, yeni saytınızla bir çox fərqli yola girə bilirsiniz.



Şəxsi bloqmu olacaq?

Online xidmət verən bir saytmı?

E-ticarət mağazasımı?

yoxsa, xəbərlərinizi paylaşmaq üçün bir vebsaytmı?



Yeni vebsaytınızla etmək istədiyiniz əsl şey istiqamətinizi müəyyənləşdirməkdə yardımçı olacaq.



Vebsaytınızı yaratmağa başlayın
Onlayn mövcudluğunuzun mərkəzi vebsaytınızdır. Domen adınızı və hostinqinizi əldə etdikdən sonra növbə vebsaytınızı yaratmağa gəlmiş deməkdir. Bu mövzuda seçim edə biləcəyiniz bir çox vebsayt növü vardır.

SSL sertifikatı niyə önəmlidir?

Author: AGENT (15.06.2019 / 10:26)
SSL Sertifikatı və HTTPS son günlərin ən çox eşidilən sözlərindəndir. Vebsayt sahibləri, onlayn şirkətlər, onlayn ödəmə portalı istifadəçiləri, bir sözlə, internetlə əlaqəli hər kəs HTTPS və SSL Sertifikatları haqqında bilgi sahibi olmalıdırlar.

Bu şərtlər qeyri-texniki işçilər üçün bir az mürəkkəb ola bilər, lakin kiber təhlükəsizlik barədə məlumatların olması bütün internet istifadəçiləri üçün zəruri hal almışdır. Bir səhifədə SSL olub-olmaması ünvan çubuğundakı kilid simvolundan başa düşülə bilər. SSL tipindən asılı olaraq, ünvan çubuğu yaşıl rəngli də ola bilər. Əlavə olaraq, ünvanın əvvəlində “http://” deyil, “https://” yazılır.

HTTP (Hypertext Transfer Protocol), müştəri-server modeli çərçivəsində baş verən bir tətbiq sahəsi olan tələb-cavab protokoludur. Bir veb brauzer HTTP tələbini serverə ötürür və server bu mesaja cavab verir.

Bu protokol uzun illərdir tətbiq olunmasına baxmayaraq, HTTP bir o qədər də təhlükəsiz deyil. HTTP vaxt keçdikcə HTTPS-ə çevrildi. HTTPS bir kompüter şəbəkəsi daxilində təhlükəsiz ünsiyyət üçün ən çox istifadə edilən protokoldur. Bu protokoldakı ünsiyyət SSL (Secure Sockets Layer) və ya TLS (Transport Layer Security) ilə şifrələnmiş bir əlaqə vasitəsilə həyata keçirilir. HTTPS ziyarət edilən vebsaytı təsdiqləyir, məlumatların gizliliyini və bütövlüyünü qoruyur. Kiber cinayətkarlar bu məlumatları man-in-the-middle (MitM) hücumları ilə ələ keçirməyə çalışırlar.

İlk zamanlarda HTTPS bağlantıları həssas əməliyyatlar, e-ticarət və ödəmə əməliyyatları, e-poçt yazışmaları üçün istifadə edilirdi. Sonralar vebsaytların bütün növləri HTTPS-dən səhifənin etibarlılığını qoruya bilmək və gizliliyi təmin etmək üçün istifadə etməyə başladı. Google da axtarış nəticələrində HTTPS səhifələrini daha yüksək yerlərə yerləşdirir.

Bir vebsaytda SSL olduğu halda, veb brauzer və veb-server arasındakı bütün məlumatlar şifrələnir və yalnız saytın sahibi onu görə bilər.

SSL sertifikatları qanuni olaraq səlahiyyətli şəxslər və ya qurumlar tərəfindən verilir. Bu sertifikatlarda bəzi xüsusi məlumatlara yer verilir: Səhifənin təhlükəsizliyi, bağlantılarının və istifadə etdiyi resursların güvənli olub-olmaması. Bundan əlavə, sertifikatın verilmə məqsədi, kimə və kim tərəfindən verilməsi, etibarlılıq müddəti, ünvan, serifikatın tipi, istifadə olunan protokol da göstərilir.



SSL Sertifikatları növləri

Domen təsdiq sertifikatı

Veb server təsdiq sertifikatı

Yaşıl ünvan çubuğu sertifikatı

Wildcard sertifikatı

UCC/San sertifikatı

Kod imzalama sertifikatı

Ən çox istifadə olunan hostinq terminləri hansılardır?

Author: AGENT (15.06.2019 / 10:26)
Bir hostinq xidməti almağı və ya bu sektorda iş qurmağı planlayırsınızsa, hostinqlə bağlı ən təməl bilgiləri və ən çox qarşısınıza çıxacaq terminləri sizinlə paylaşmaq istəyirik.



FTP nədir?
"File Transfer Protocol" – adından da bəlli olduğu kimi vebsaytınız üçün hazırladığınız fayllar şəkilləri müvafiq qovluqlara yükləmək üçün istifadə olunur. FTP bağlantısını təmin etmək üçün bir FTP sifarişçisi tələb olunur. Bunun üçün istifadə olunan "FileZilla FTP Client" proqramını kompüterinizə yükləyə və şirkətiniz tərəfindən verilən əlaqə məlumatlarını daxil edərək fayl ötürülməsinə başlaya bilərsiniz.



DNS nədir?
"Domain Name System" - Kompüterlər vebsaytları tapmaq üçün IP ünvanlarından, istifadəçilər isə domen adları, yəni URL-lərdən istifadə edirlər. DNS-in vəzifəsi istifadəçinin daxil etdiyi URL-ni IP ünvanlarına çevirməkdir. Bir sözlə, DNS istifadəçi kompüterinin, domen adının və saytın yerləşdirildiyi hostinq serverinin arasındakı əlaqəni təmin edən sistemdir.



Disk sahəsi nədir?
Disk sahəsi şirkətin hostinq serverində sizin üçün ayırmış olduğu fayl yerləşdirmə sahəsidir. Qeyd edilən 500MB,1GB kimi ölçülər bu sahənin maksimum tutumunu göstərir. Əsasən, bu sahəyə fayl yüklənməsi üçn FTP-dən istifadə edilir.



Trafik (Bant genişliyi) nədir?
Bant genişliyi olaraq da bilinən hostinq paketlərində qeyd edilən bu trafik limiti vebsaytınıza gələn ziyarətçilərin səhifənizdə etdiyi əməliyyatların və məlumat köçürmələrinin limitini müəyyənləşdirir. Trafik istifadəniz vebsaytınızdakı şəkillər, səhifələr və videolar kimi faylların görüntülənmə sayına görə hesablanır.



Verilənlər bazası nədir?
Verilənlər bazası müntəzəm və bir-birilə əlaqəli məlumatların toplandığı bir sahədir. MySQL və MsSQL isə verilənlər bazalarının yaradılmasına, idarə olunmasına və dərc edilməsinə imkan verən serverdə quraşdırılmalı olan proqramlardır.



Subdomen nədir?
Subdomen hostinq paketiniz tərəfindən dəstəkləndiyi halda arzu etdiyiniz qədər aça biləcəyiniz alt domen mənasına gəlir. Subdomen yalnız hostinq paketinizin onu dəstəklədiyi halda istifadə edilə bilən bir xidmətdir. İstifadə sahələri yaradıcılığınıza görə fərqlənə bilər.

“.COM” domeni almaq üçün 5 əsas səbəb

Author: AGENT (15.06.2019 / 10:25)
Dünya üzərində etibarlı olan bir domen almaq istəyirsinizsə, üst səviyyəli domen uzantısını seçməyiniz çox vacibdir. Domen adınızdakı açar söz, xüsusi isim və ya marka adınız internetdəki əlçatanlığınızı böyük ölçüdə artırır. Lakin bir domenin keyfiyyəti yalnız ibarət olduğu adlar və ya sözlərlə ölçülmür. “.COM” uzantısı ilə almış olduğunuz domen adı prestiji də bərabərində gətirəcək. Bütün dünyadana keçərli bir uzantı olan “.COM” domeni satın almaq axtarış motorlarının da diqqətini çəkəcək. İllər ötdükcə dəyərini daha da artıran “.COM” dünyanın ən çox üstünlük verilən domen uzantısıdır.



“.COM” domeni almaq üçün vacib olan 5 maddəyə nəzər yetirək:
Dünyada ən çox satılan domen uzantısıdır.

Vebsaytınızın axtarış motorlarında (Google, Yandex və s.) ön səhifələrdə sıralanmasına birbaşa kömək edir.

İnsanlar hər hansı bir vebsaytı axtararkən ağıllarına gələn ilk uzantı “.COM”dur.

Qlobal aləmdə ən çox etibarlılığa və öncəliyə sahib domen uzantısıdır.

“.COM” ən yüksək qiymətləndirmə dərəcəsinə sahibdir.



Bütün bu üstünlüklərə əlavə olaraq, bir domenin əsas hədəfi marka, məhsul və ya ad haqqında ilkin məlumatı verərək istifadəçidə fikir formalaşdırmaqdır. Bu səbəbdən domen alarkən uzantı ilə birlikdə domen adı da olduqca önəmlidir. Axtarış motorlarında domendəki adın axtarış həcmi mütləq araşdırılmalıdır.



Bu gün məşhur olan demək olar ki, bütün böyük markaların “.COM” uzantılı domen ünvanına sahib olmaları da diqqətdən yayınmamalıdır. Bu markalara misal olaraq, Google.com, Facebook.com, Instagram.com, Linkedin.com domelərini göstərə bilərik.



Siz də internet bazarında bir marka olmaq, yaddaqalan və prestijli bir domen üçün elə indi Sayt.az vasitəsilə “.COM” uzantısını əldə edə bilərsiniz.

cPaneldə spam trafikin qarşısının alınması

Author: AGENT (15.06.2019 / 10:25)
Sadəcə saytın hitini artıran, lakin saytda qalma müddəti kimi SEO kriteriyalarında önəmli yerə sahib olan xüsusiyyətləri sıfır olan spam trafikləri saytların ən böyük düşmənlərindən biridir.

Saytınıza gələn bu yararsız trafiklərin qarşısını alaraq SEO çalışmalarınızın zərər görməsinə əngəl ola bilərsiniz. Bu prosesi cPanel üzərindən etmək mümkündür.



cPanel dünyanın ən böyük hostinq idarə panellərindəndir. Bir çox xüsusiyyətilə istifadəçilərin işini asanlaşdıran cPanel ilə saytınıza gələn spam trafikini əngəlləyə bilərsiniz.İlk olaraq, Google Analytics-dən saytınızda spam trafik yaradan linkləri müəyyənləşdirin.

Google Analytics-də "Acquisition / Channels" bölməsinə klikləyərək Direct, Social, Refferal kimi seçimlərdən Refferal ya da Direct olanı seçirik və buradakı saytların siyahısını yoxlayırıq.

Sayta gələn trafikin spam olduğunu anlamaq üçün ilk olaraq domeninə diqqət etməliyik. Mənasız bir domendən gəlirsə, spam olma ehtimalı yüksəkdir. Daha sonra saytda qalma müddətinə baxa bilərik. Bu da sıfır olursa, o zaman gələn trafik bizim üçün spamdır.

Bu cür saytları müəyyənləşdirib daha sonra cPanelə daxil oluruq.

cPaneldə “IP Blocker” bölməsinə klikləyirik. Açılan səhifədəki qutucuğa Anayltics üzərində müəyyənləşdirdiyimiz saytların URL-lərini yazıb “Add” düyməsinə basırıq.

Beləliklə, IP əngəlləmə prosesini tamamlamış oluruq. Əngəllənmiş IP-lərin siyahısını görə bilər və arzu etdiyimiz halda əngəlləri qaldıra bilərik.

YouTube marketinqində sizi uğura aparacaq 5 metod

Author: AGENT (15.06.2019 / 10:25)
Əyləncə və informativ məzmunlu internet və videoların artıq ayrılmaz bir üzvümüz halına gəldiyini qeyd edə bilərik. Statistiklar göstərir ki, Facebook istifadəçiləri hər gün 100 milyon saatını, youtube istifadəçiləri isə 1 milyard saatını bu internetin onurğasına çevrilmiş platformlarda video izləyərək keçirirlər. Bütün bunlar nəzərə alındıqda, düzgün metod və addımlarla youtube marketinqlər üçün ən yaxşı iş mühitinə çevrilə bilər.



Top videolar
Qarşılıqlı təsir dərəcələrini optimallaşdırmaq hər bir marketinqçi üçün prioritet olmalıdır. Youtube-da qarşılıqlı təsir abunələr, bəyənənlər, bəyənməyənlər, rəylər və paylaşımlara görə ölçülür.

Qarşılıqlı təsir YouTube alqoritminin əsas təlimatçısıdır. Əgər məzmun formatlarının tipini, üslubunu, mövzularını və çatdırılma dərəcələrini yüksəldən qarşılıqlı təsir yaratsanız, bu formulanı daxili axtarış nəticələrində daha yüksək görünən və post-roll istifadəçilərinə tövsiyə olunan daha çox məzmun yaratmaq üçün istifadə edə bilərsiniz.

Həqiqətən başa düşülə bilən olmaq istəsəniz, bəzi rəqabətcil araşdırmalar etməlisiniz. Məsələn, Socialbakers-in pulsuz aylıq müqayisəli hesabatlarını istifadə edərək təhlil etmək istədiyiniz platformanı

hədəflədiyiniz ölkəni və seçdiyiniz sektoru və ya ən yaxşı performans göstərənləri ortaya çıxartmaq üçün başlanğıc seçə bilərsiniz.



Kanal və videoların ortalama görüntülənmə müddəti
Video izləmə müddəti markanızın təqib etməli olduğu ən vacib meyarlardan biridir. Bu məlumatlar videolarınızın izləyicilərin diqqətini çəkib çəkmədiyini müəyyən etmək üçün YouTube alqoritmləri tərəfindən təhlil edilir.

Bunula birlikdə, bu üsulu inkişaf etdirmək üçün yeganə yol hazırda harada durduğunuzu bilməkdir. Content Studio-dan izləmə müddətinizi yaratmaq üçün Analytics> Track Time Reports> Tracking Time-i seçin. Burada sizə kanalınızın izləmə müddətinin trendini göstərən bir qrafik təqdim ediləcək.



Abunə-izlənmə dərəcəsi
Daha çox abunəçini cəlb etməzdən əvvəl kanalınızın əsas diqqət nöqtəsi kütlə tərəfindən izlənən bir məzmun yaratmaq olmalıdır. Çünki videolarınıza kimsə baxmırsa, neçə abunənizin olduğu önəmli deyil.

Abunə-izlənmə dərəcənizi müəyyənləşdirmək panonuza yalnız son 28 günün nəticələrini göstərəcək şəkildə filtr tətbiq edin. Burada ümumi abunəçilərinizin görüntüləmə sayını müqayisə edin və faizini hesablayın.



YouTube təklifləri
Çoxumuz YouTube-a xüsusi bir məqsəd olmadan daxil olmağa o qədər alışmışıq ki, məhz buna görə Youtube-un təkliflərində olmaq əsas metodlardan birinə çevrilmişdir. Bəs bu təkliflərdə necə yer alacağıq, həqiqətən bizə kömək edəcəkmi? Videolarınız çox görüntülənən videoların yanında təklif sütununda görünməsi kanalınızın baxış və abunələrinin sayında böyük sıçrayışlara səbəb ola bilər. Buna görə videolarınızdan hansıların YouTube istifadəçilərinə tövsiyə olunduğunu və hansı videoların kanalınıza daha çox auditoriya gətirdiyini izləmək çox vacibdir.

Bu məlumatı tapmaq üçün Analytics> Traffic Sources> Recommended Videos keçid edin.



Youtube axtarış referansları
YouTube kanalınızı yeni açdığınızda və alqoritm artırıcı göstəriciləri təmin edəcək kütləyə sahib olmadığınızda bu, axtarış trafikinə güvənməli olduğunuz mənasına gəlir.

Bu, xoşagəlməz görünə bilər, amma YouTube-un ikinci ən böyük axtarış motoru olduğunu unutmayın. Video, həqiqətən, optimallaşdırılmış və interaktiv olsa, bu portal vasitəsilə də trafik yaratmaq mümkündür.

YouTube istifadəçilərinin ən çox axtardıqları video və açar sözləri tapmaq və izləmək üçün

Analytics> Traffic Sources> YouTube Search keçin.
Total: 36
mywap.az © 16.12.2018 MobTop.az